Pantun Bahasa Banjar

Baturai pantun adalah salah satu kesenian Banjar Kalimantan Selatan, sebagai keturunan dari orang Banjar, kita harus menjaga kelestarian budaya Banjar, salah satunya adalah Baturai Pantun, berikut adalah beberapa contoh dari pantun dalam bahasa Banjar

  1. Nukar tali dua untai

Gasan manjarat kumpang balati

Pangantin banjar sudah batatai

Baju hijau bakambang malati

2. Simpan duit didalam pati

Lalu andak dibawah ranjang

Pangantinnya sudah bamandi

Banyu kambang bapapai mayang

3. Balakas-lakas maurak tikar

Gasan maandak dimuhara lawang

Nasi kuning bacampur janar

Iwaknya haruan bamasak habang

4. Maangkat banih sampai tapaluh

Tuju karumah matan pahumaan

Gangan nangka bacampur waluh

Nyaman dimakan wan sambal acan

5.Tulak kapasar manukar kambang

Imbah ditukar jarat wan tali

Jangan duduk dimuhara lawang

Jar urang tuha itu pamali

6. Andak wadai di atas mija

Ading handak jangan di bari

Lakas naik mun hari sanja

Kada baik jar urang bahari

7.Nukar kanas kapasar anjir

Sambil mamakai baju batik

Supaya kada takana banjir

Jangan mambarang mambuang ratik

8.Paring barandam babau bangai

Gasan diulah dinding kurungan

Mambuang ratik jangan kasungai

Sakira kita kada kabanjiran

9.Nyaman banar duduk bajuntai

Sambil mamakan buah rambai

Sungai turak ada di amuntai

Sungai batang alai di barabai

10. Amun karung banyak luangnya

Pasti isinya pacang tahambur

Jenis jukung banyak macamnya

Salah satunya jukung sudur

Berikan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Ikuti

Kirimkan setiap pos baru ke Kotak Masuk Anda.

%d blogger menyukai ini: